القناعه للشاعر العماني حمود المخيني

القناعه للشاعر العماني حمود المخيني

ان كنت ترغب فـ البقاء و عزّتك ما يوم تصغر
وما دام انّك فـ البحر لازم يكون الأسم : حوت

اللي صغير يخاف من ذاك الذي ينشاف أكبر

واللي كبير يشوف غيره كوره ويبدأ يشوت

شعوب تمضي للتسلّح والوضع ألحين أخطر
وشعوب ما تقنص فرص كلما تلاحقها تفوت

لكن أنا عندي قناعــة والشّعر يقدر يعبّـــر
لو ما قريتوها شعر والله لوصلّها بـ صوت

ان كنت تطمح للعلى اسعى ومن سوّاك يقدر
وان كان حلمك بيت لا تطلب مشورة عنكبوت

ان ما قدرت تصير علقم فـ الحلوق اللي تهـــّذر
ارضى تصير ف بطنها آلـّـذ من عنقود توت

وان ما قدرت تخطّ اسمك بين الاسكندر وهتلر
ارميه بـــين اللي يعيــش العــمر لـــجل انّه يموت

» سوق التبر للشاعر العماني حمود بن وهقه
» ياللي جرحك للشاعر العماني مسلم الحمر
» أنتِ المحبة للشاعر العماني ذياب بن صخر العامري
» قصيدة للشاعر: ناصر المطيري مهديها للشاعر سعد الحريص
» يا دكتور للشاعر عبدالله العازمي