غريب و دمعي القريب لقلبي طبيب .
غريب في الغربة وحداني
بعيد عن نفسي واحد تاني
عايش و الأيام وخداني
من شط لشط معرفشي
و لو أعرف ليه مأقولشي
متغربين سنين
عرفين إننا في الدنيا مظلومين
مين معانا و على مين
مين ينصر الطيبين
دا أنا بعيد هنا و غايب
عن روحي و أغلى الحبايب
و تنولد جروح جديدة آلام آهات
و قلوبنا اللي كانت سعيدة اتشتتت في البلاد
و بقينا جسد بلا روح
شبعان جروح
مش قادر يبوح
و لا قادر يحكي
و لا قادر يشكي
بس قادر يبكي على اللي فات و يروح بخياله بعيد
لما كان سعيد
لابس لبس العيد
فرحان و صغير و بريء
طفل ماشي في طريق بدايته أفراح
و نهايته سواح
و لا عمره شاف الراحة
و لا عمره في يوم ارتاح
و اشتكى و قال للسنين
قلبي دايماً حزين
من مكان لمكان
كل يوم عنوان
احترت خلاص
دا دايماً في الغربة ناس
الدمع ما يكفيهم
و الغربة دي من أعاديهم
و عمرهم ما يرضوا
على لسنا تكون حكاويهم
و ايه نهاية المشوار العنيد
مين ياخد منا جراح
و مين علينا يذيد
الخميس 8 سبتمبر - 8:54