قصيدة :: لا تسافر ::

قصيدة :: لا تسافر ::

للشاعر السيد عبد الخالق المحنا

لا تسافر روحي عندك
روحي عندك لا تسافر
لا تكابر لا ياجرحي
لا ياجرحي لا تكابر
يا قلب يهجر خليله
يا أبو الـ يترك عليله

***

وياك اخذني اضوي بدروبك شمع
انا العليله وبغيابك انفجع
اقسم عليك بفاطمه وكسر الضلع
لا لا تخليني غريبه وبالدمع

يابويه تدري حالتي وهجرك صعب
خوفي عليك من الغدر بأرض الغرب
أشعر يبويه الـكاتبو رادو حرب
واشعر ضمايرهم عليكم تنقلب

ياضماير .. لا تسافر روحي عندك

　
***

يابويه تدري محبتك ويا النبض
جلمة وداعك مو سهل من تنلفظ
وياك اخذني مو بجت حتى الأرض
افرشلك مصلايتك وقت الفرض

　
لا تمشي وتخلي دمع عيني يهل
ياوالدي وليل الهجر ما ينحمل
خليني وياكم اهز مهد الطفل
يابو الوفا وجرح المشاعر مو سهل

　
بالمشاعر .. لا تسافر روحي عندك

　
***

　
يابويه وعيونك تراويني صور
كل صوره اشوفك بيها مقطوع النحر
يابويه ارحم حالتي واجل السفر
بعيونك انظر عمي يوقع ع النهر

وحدك تظل من ينصرع راعي العلم
وتعاين زنوده وتصيح من الألم
ماتغمض العين الـ نبت بيها السهم
زينب تشوفك من تعاود للخيم

　
وانته حاير .. لا تسافر روحي عندك

　
***

　
يابويه لو تمشي بعد ما اظن ترد
وانته الهوا وعنك ابد ما ابتعد
وشلون المثلث اذا طر الجبد
ياحيرة الحيره على خيامك تصد

ماحمل فراقك يمن شوفك دوا
عطشانه ابقى ياللي قلبك ما روى
خل صدرك وصدري يسحقوهن سوا
وياك اصيحن لو وقع راعي اللوا

　
ماكو ناصر .. لا تسافر روحي عندك

　
***

» أنا قصيدة حزن
» قصيدة ربيع ام شتاء
» قصيدة أخي/ ميخائيل نعيمة
» قصيدة على اسم مصر لصلاح جاهين
» قصيدة أغــسـلــي بالـبرد