قصيدة للشاعر: ناصر المطيري مهديها للشاعر سعد الحريص

للشاعر: ناصر المطيري مهديها للشاعر سعد الحريص

ماهـي مفاهيـمٍ وتحتـاج تكريـس
ولاهوب صوت ويستحـق الاعـاده
ولاهي مسافه تختصرها المقاييـس
حتـى تجينـا فـي النهايـه افـاده
دام الدعاوي عوّدت لجل هالكيـس
كلِ علـى ماقيـل يجنـي حصـاده
ان كان مادّرسك الاحساس تدريـس
مانلـت بقلـوب الاوادم شـهـاده
الشعر نبـض قلوبنـا والاحاسيـس
ماهـوب هـذرٍ لابستـه الـبـلاده
رحت انشد الاقلام هي والقراطيس
ونزيـف حـرفٍ اخذيـن اعتمـاده
لاماغدى الحادي ولاضاعن العيـس
الصوت صوته والمسـاري بـلاده
شات،
منتدى

بالله وينـك يانـديـم الغطالـيـس
طّولـت غيباتـك ولاهيـب عـاده

مافـاد بغيابـك كثيـر المتـاريـس
كل مابعـدت يزيـد قربـك زيـاده
مابين طيات الـورق والهواجيـس
عندك على نحت القوافـي جـلاده
علقت بنحـور الليالـي الفوانيـس
ليلٍ عقـب جفـواك يعلـن حـداده
يوم الشعر للروح من بـاب تنفيـس
بانفاس شعرك نـال حـق السيـاده
دورك ماهو من خلف هاك الكواليس
ولكـن يعنيـك الثنـا والاشــاده
شعرِ كتبته هـب مثـل النسانيـس
البحـر عمقـه والسمـا امـتـداده

» قصيدة للشاعر عمر عبدالمحسن
» قصيدة للشاعر(ابراهيم شوقي)
» قصيدة الاطلال للشاعر إبراهيم ناجي
» قصيدة الممر للشاعر محمد غنيم
» قصيدة الوطن الحجري للشاعر المصري مصطفى الجزار